لاتخدعك ضحكه

من طرف نبض المشاعر الخميس فبراير 15, 2007 9:52 am

لاتخدعك ضحكه بالوجه الصبوح

ولايغروك ابسلام من البعد

غربه تفرحلك اذا تشوفك كبير

والك اقرب الناس كاتلها لاحسد

احذر اليمسح اجتافك من يجيك

واحذر الصُحبه الكثر بيها العدد

ايصح قريب امرفكك لكن حقود

ويصح بعيد يكون الك عون وسند

الناس مو كلمن ضحكلك بيه امان

وذاك من ذاك اليوافيلك وعد

احذر احجايات من طرف اللسان

ناعمه وبيها الطعم مثل الشهد

هاي دنيا اتغيرت بيها الوجوه

والضباع التفت بجلد الاسد

هاي دنيا ومانفع بيها الكلام

والله يدري اشبيها يتغير بعد

الي حميته من الشمس بثنين ايديك

ممكن يعوفك لوحدك بالبرد

والي على جتافك صعد من يسالوه

يبتسم ويكول من جد وجد

والتعلمه الحجي وكل معنى الاصول

ابظهرك يذم بيك ويطعنك عمد

والتعلمه يصيب عدوانه سهام

انت كبل اعداه ايصوبلك اشد

ضاعت الصحبه وعلى الصحبه السلام

والزمان الراح لاتصدك يرد

صدق من قال اليبجي امشي وراه

وابد لاتمشي اويه المضحك ابد

من طرف **زوزو** الأحد فبراير 18, 2007 6:30 am

الي حميته من الشمس بثنين ايديك

ممكن يعوفك لوحدك بالبرد

والي على جتافك صعد من يسالوه

يبتسم ويكول من جد وجد

مشكور او مشكورة عالموضوع العفو بس معرفت ولد او بنية Embarassed

والله كله الحجي صحيح للاسف اكو اصدقاء تتوقعهم موسى يطلعولكم فرعون والحمد لله اكو اللي بالعكس

من طرف **مهزوزين احنه** الجمعة مارس 02, 2007 1:55 am

مشكورررررررررررررر

من طرف **أطيب قلب** الأحد مارس 04, 2007 9:35 am

الله يانبض المشاعر .

عاشت الايادي

ضاعت الصحبه وعلى الصحبه السلام

والزمان الراح لاتصدك يرد

رد: لاتخدعك ضحكه