مسلسل مدبلج

هذا المسلسل المدبلج (ماريه الحفافه) عجبني (شفته بمنتدى كلت خل اجيبه) بس المسلسل حلقه وحده يعني فلم مو مسلسل بالسلسله لين معدنا قفاله
وهذي هي الشخصيات
( خوان النفاط – ماريه الحفافه – انطونيو البوزرجي – روز الدلاله – فرانك بابلو العلاس - جاك الدفان )
مقدمه مال المسلسل جذب الفلم (عونج يا كاع)

المشهد (ماريه الحفافه) نايمه بل افراش اسهال وازواع لانه ام نفس الدنيه ماكله كص من عربانه بل شارع ومتسممه فطبعا اجه (خوان النفاط ) حته يشوف الكتف مالته شبي

خوان النفاط : عزيزتي ماريه ماذا بك
ماريه الحفافه: (طبعا داتتمضيك فجاي تحجي بصوت ناصي ) خوان حبيبي لقد اتزقنبت لفه كص من ابو العربانه وهسه الفريز مال معدتي مجاي يجمد اسهال وازواع
خوان النفاط : حبيبتي موالف مره قلت لكي لا تاكلين زقنبوت من الشارع
ماريه الحفافه: (طلعت وجها الثاني الوجه السفيه) لك هي مجرب بدال ما اتكلي سلامتج وانشالله اتكومين بل سلامه جاي اترزلني لك مو زين اني راضيه بيك ابو النفط بس هيه ضلت لاأهل الحصن
خوان النفاط : لكن حبيبتي مسامعه المثل الي يكول من حبك لاشاك
ماريه الحفافه : ها أي خوش حبي أي انته شخبارك شكو ماكو
وكعدو ايسوالفون ويحجون
المشهد الثاني روز الدلاله اتروح الانطونيو البوزرجي وشوفو شيصير بل طريق

روز الدلاله: طب طب طب طب (هذا صوت الحذاء مالتها من تمشي عبالك حصان جاي يتمشه )
وهيه مجاي تمشي طبكت عليها سياره اوبل سوده نوع بيك اب لاده
فرانك بابلو العلاس: (جار مسدس 9 جاسم هذا مسدس اخو طارق) توقفي ايتها الخائنه اصعدي بل سياره لا هسه احط طلقتين ابنص عيونج
روز الدلاله : ( طبعا كامت تتراجف وغسلت الشارع بل........ ) لا عفيه لا تكتلني اصعد وياكم
صعدت روز الدلاله بل سياره وشدو عيونها واخذوها
المشهد الثالث طبعا (فرانك بابلو العلاس ) يدري اب روز الكتف مال انطونيو البوزرجي فشسوه شال التلفون وخابر عله انطونيو البوزرجي من التلفون مال روز الدلاله
انطونيو البوزرجي: (لا تزرع قمبله بل شارع اضرب هاون ) ( هذي النغمه مال تلفون انطونيو البوزرجي) الو روز حبي كيف حالك
فرانك بابلو العلاس : لك يا روز ابو اللغف لك احنه عصابه( الجني المتلثم ) واحنه خاطفين صاحبتك روز وانريد دفتر ونص ولتناقش هذا اخر سعر تره ما تلكه ارخص من عدنه والله
انطونيو البوزرجي : اوكي عيني ارجوكم لا تؤذو حبيبتي ارجوكم
فرانك بابلو العلاس : لتخاف لن نؤذيها بس انريد الفلوس هسه جيب الفلوس وتعال عله ابو نؤاس خلال 25 دقيقه
انطونيو البوزرجي: اوكي حسناً
طب انسد التلفون والله خطيه انطونيو لم الفلوس وعدل وكبل راح الأبو نؤاس جان يشوف اوبل نوع بيك اب لاده واكفه رمشوله جان يجيهم ركض انطاهم الفلوس فكبل ما ينطو روز كلوله بعد 10000 دينار كللهم مال شنو كلوله مال عشه كلهم زين ميخالف وانطاهم الفلوس وخذ روز ورجعو للبيت

المشهد الرابع : ماريه الحفافه خابرت انطونيو البوزرجي
ماريه الحفافه : مرحباً انطونيو كيف حالك انشالله زين
انطونيو البوزرجي : لج يا زين زعت دفتر ونص عله هاي الجكمه روز جانو خاطفيها
ماريه الحفافه : هسه مالنه علاقه اكلك اني وخوان النفاط راح نزوج شنو رايك انسوي زواج جماعي انته ورزو ويانه هم
انطونيو البوزرجي : اوكي مومشكله شوكت العرس
ماريه الحفافه : يوم الخميس اب قاعة نادي الهنديه ساعه 11 الصبح مو تدري الوضع مو زين
انطونيو البوزرجي اوكي عليها يله باي
طب انسد التلفون
واجه يوم الخميس وسوو الزفه واتزوجو و من ديرجعون للفندق طكت عليهم مفخخه و ماتو كلهم واجه( جاك الدفان) ودفنهم كلهم وخلص المسلسل......

واجه يوم الخميس وسوو الزفه واتزوجو و من ديرجعون للفندق طكت عليهم مفخخه و ماتو كلهم واجه( جاك الدفان) ودفنهم كلهم وخلص المسلسل......


شنو هاي. وين مصورين المدبلجه ببغداد؟؟؟
هههههههههههههههههه
عاشت ايدك ميدو